Emirü'l-ümerai'l ekabir müstecem'-i cemi'i'l-me'ali ve'l-mefahir, zü'l-kadri'l-ümem ve'l-fahrü'l-ehem, el-muhtes bi-mezidi inayeti'l-meliki'l-samed, Hazine-i ' Amirem'de Baş Defterdar'ım olan Mehmed damet uluvvuhu tevki'i ref'I hümayun vasıl olacak malum ola ki Venedik balyosu rikab-ı hümayunuma rakam sunub matakaddamdan Venedik vilayeti kaht-ı gala olduğu zamandan memalik mahrusamdan havas-ı hümayunum eminleri kabz itdükleri miri terekeden kifayet mikdarı tereke virülmekçün ahkam-ı hümayunum virmelü geldükden ma'ada bu makule ahkam da'ima icra oluna deyü ahdname-i hümayunumda mestur ve mukayyid olunduğun ilam idüb ve bu sene Venedik'de tereke killat-ü zere olub balyos-u mezbur kend-ü kefafi içün kifayet mikdarı tereke virülürse emna taifesi muhasebe defterinden ta'yin itdükleri tereke bahasından her mar başına yüzer akçe virülmek üzere ne mikdar tereke virülürse bahasın emnaya bi't-tamam virdükten sonar şart itdüğü yüzer akçe ziyade-i kendüsü bi-kusur hazane-i amireme teslim itmek üzere istida'-i inayet itmeğin ahdname-i hümayunum muztezasınca hevass-ı hümayunum terekesinden şart-ı mezbur üzere beş yüz mar tereke virülmekçün hatt-ı hümayunum sadır olmuşdur buyurdum ki ferman-ı al-i şan'ım mucebince emna taifesi havass-ı hümayunumdan kabz itdükleri miri terekesinden şart-ı mezkur üzere beş yüz mar tereke virdüresün amma bu bahane ile emr olunandan ziyade tereke virülmesü itimali olmaya şöyle bilesün alamet-i şerife i'timad kılasun tahriren fi avahir-i şehr-i Sefer sene tis'a ve ve tis'un ve tis'a mie. Bi makam- ı konstantiniyye