Mısır Beylerbeyisi olan Muhammed Paşa'ya hükm Tevki'-i ref'-i hümayun vasıl olacak malum ola ki Venedik beyleri kadimden Asitane-i saadetime kemal-i hulus ve sadakat iyad dostluklarında sabit-kadem oldukları ecilden mahrusa-i saadetde olan Venedik balyosu kıdvetü'l-umera-ü' l-milleti'l-Mesihiyye Anton Donado nam balyos ve hizmetinde olan tercümanları ve sair Venedik tacirleri her vechle himayet olunub mahrusa-i mezburede olan Venedik beylerinin balyosu sair Nasara hakimlerinin balyoslarına kıyas olunmayub ahdname-i hümayun ve sulh ve salah mucebince siyanet ve himayet olunub ahdname-i hümayunuma ve ellerinde olan evamir-I şerifime muhalif vechen min al-vucuh dahil ve ta'arruz itdürmeyüb ve va'ki olan hususların bi'z-zat kendün ahdname-i hümayunum mucebince hak üzere görüb ve muhtac-ı 'arz olan hususların dahi ahname muktezasınca Asitane-i saadetime 'arz ve havale iyleyüb Venediklülere bir vechle zülm ve te'addi olmak ihtimali olmaya ve bi'l-cümle mezkur balyos ve tercümanların ve sair Venedüklüleri ahdname-i hümayunum mucebince siyanet ve himayet iyleyüb bir ferde zülm ve te'addi itdürmeyesün şöyle bilesün ba'de'l-nazar bu hükm-ü hümayunumu ellerinde ibka idüb alamet-i şerife 'itimad kılasun tahriren fi evahir-i Zi'l-hicce sene hamse 'aşr'un ve elf. Bi-makam-ı Konstantiniyye