Abidin ve Saruhan sancaklarından olan kadılarına ve İzmir kadısına hükm ki Tevki'-i ref'-i hümayun vasıl olacak malum ola ki asitane-i saadetimde olan Venedik balyosu dergah-ı mu'allama 'arz-u hal sunub Venedik tacirlerinden darende-i ferman ı hümayun Emmanuel Negroponte nam tacir kendüsün ve sair bezirganların esbabların furuht idüb olageldiği üzere penbe ve yapağı ve sair memnu' olmayan meta'ı iştira 'iylemek içün taht-ı kazanuzda yürüdügü yerlerde ve sair mahnuf ve muhatara yerlerde ba'zı mahallelerde hırsuz ve harami havfından bargire ve ata binüb ve alet-i harb getürüb ve yağmurluk giyüb giderken çavuş ve sipah ve yeniçeri ve sair kimesneler mücerred ahz ve celb içün mezbura ve hizmetkarlarına ata binüb alet-i harb getürüb yağmurluk giydük ve ak sarınduğuz deyü hilaf-ı şer' dahl iderlermiş imdi buyurdum ki mezbur tacir memnu' olmayan meta'ı almak içün taht-hükümetinize vardukda kendü halinde olub kimesneye zararı yoğ iken menazil ve mevahilde hırsuz ve harami ve eşkiya havfından bargir ve ata binüb ve alet-i harb getürüb ve yağmurluk ve ak sarık giymekle çavul ve sipah ve yeniçerileri ve işerleri mücerred celb-i mal içün mezburuce hizmetkarların şer'-i şerife ve sulh ve salaha muhalif ve emr-i şerife mugayir rencide ve remiye iylemeyeler vech-i meşruh üzere te'addi itdürmekden hezar idesüz şöyle bilesün ba'dü'l-nazar bu hükm-ü hümayunumuzu elinde ibka idüb 'alamet-i şerife 'itimad kılasuz tahriren bir evahir-i cemazi-ü' l-ahir sene seb'a şara ve elf. Be makam-ı Konstantiniyye al-mahrusa