Bosna beylerbeyisine ve Kilis ve Lika sancağı beylerine ma'lum ola ki Venedik beyleri asitane-i sa'adetimle kadimden hulus-ü sadakat-ü zere kava'id ve selah-i ri'ayet idüb dostluklarında sabit-kadim oldukları ecilden vilayetlerine ve sınurlaruna ahdname-i hümayuna muhalif kimesne dahil ve tecavüz itmeyüb re'ayalarının davarlarına ve esbablarına nahb ve garet ve mabeyninde fitne ve fesad ba'is olacak vazi' ve hareket itürülmeyüb fesad ve şeca'at idenlerün haklarından geline deyü defa 'atle evamir-i şerife gönderülüb muhkem tenbih ve takid olunmuşken hala ol serhadlarde ba'zı kimesneler sulh ve salaha ve ahdname-i hümayuna muhalif tecavüz idüb Venedik beylerine ta'bi Siyenik ve Zadra nam kal'alerine tab'i yerlerine varub akın idüb re'ayaların ve davarların sürüb garet ve hesaret itdüklerin kal'a-i zadrada olan zabit ve neferleri def' ve alınan davarları tehlis içün taşrada çıkmışlar iken Veraneli ve sair ol serhadlerde olan kimesleler cem' olub üç yüz mikdarı adam ile vilayete harb ve açuk yarağla varub Zadranın beyi ve adamları ü zerlerine hücum idüb sulh ve selaha muhalif vazi' ve 'azim fesad ve ihtilale ba'is hareket itdükleründen gayri ba'zı Eflak eşkiyası ve martolosları cem' olub Novgrad nam kal'aları varub davar ve esbab ve adamları sürübte 'addi iyledükleri sem'-i hümayunuma ilga olunmuşdur imdi ol serhadlerde ahdname-i hümayunum ve sulh ve salaha muhalif Venedik beylerine ta'bi olan kal'aleri sınurlaruna tecavüz ve re'aya ve davarlarına bir vechle zarar ve ziyan olunduğuna rıza-i hümayunum yokdur buyurdum ki bu ba'bda bi'z-zat mukayyed olub serhadd-ı mezburede ba'is fitne ve fesad olan Veraneli ve sair her kim ise hüsn-ü tedbir ve tedarikle ele getürüb ihtilale ba'is olan eşkiyanın haklarından gelesin Venedik re'ayasından garet olunan davarların buldurub bi-kusur gerü Zadra ve Şiyenik beylerine irsal ve isal idüb ahkak-ı hakidesüz ve minba'ad ol serhadlerde sulh ve salaha muhalif bu makule vazi' ve hareket itdürmekden begayet hezar idüb fitne ve fesad ba'is olan her kim ise ahdname mucebince kuş mal verüb kava'id-i sulh ve salaha gereği gibi ri'ayet iyleyesüz ve bi'l-cümşe ahdname-i hümayunum muktezasınca Venedik beylerine ta'bi olan kal'aleri ve hisarlarının hakimleri ve zabitler ile hüsn-ü zendegani üzere geçünüb sulh ve salaha ri'ayet içün siz dahi mektub ile ilam idesüz onlar dahi kendü neferlerin gereği gibi zabt idüb sulh ve salaha ri'ayet idüb bir vechle dahl ve tecavüze cesaret itmeyüb kendü hallerinde olub her vechle sulh ve salaha muhalif vazi' idenlerün ol tarafdan dahi muhkem gelineler ki bir vechle tarafından minba'ad ahdname-i hümayun ve sulh ve salaha muhalif ihtilale ba'is vazi' ve hareket olunmak ihtimali olmaya bu hususu sair umura kıyas iylemeyüb beher hal def'-i fitne idüb eşkiyanın ahdname mucebince haklarından gelmek ziyade ikdam ve ihtimam üzere olub bu husus içün bir def'a dahi şikayet olunmalu iylemeyesüz şöyle ki hüsn-ü tedbir ile def'-i fitne iylemeyüb yine Venedik beyleri tarafından bu husus içün şikayet oluna aba-i kiram ervah-ı mutmainleri içün özrün makbul olmayub mes'ul ve mu'anet olmanuz mukarrerdür ona göre mukayyed olub ahdname-i hümayunuma muhalif minba'ad serhadlere bu makule ihtilale ba'is olacak vazi' ve hareket itdürmeyüb da'ima asude hal olub hüsn-ü zendegani üzere olasuz şöyle bilesüz 'alamet-i şerife 'itimad kılasuz tahriren fi evasıt-ı rebi-ü' l-evvel sene 1021. Be-makam-ı Konstantiniyye al-mahrusa