Emirü'l-ümerai'l-kiram kebirü'l-küberai'l-fiham zu'l-kadri ve'l-ihtiramsahibü'l-izzi ve'l-ihtişam el-muhtassu bi-mezidi inayeti'l-meliki'l-alam Haleb beylerbeyisi Davud dame ikbaluhu tevki' refi' hümayun vasıl olacak ma'lum ola ki asitane-i saadetimde olan Venedik balyosu dergah-ı muallama 'arz-u hal sunub kendünün akrabasından olab bi'l-fi'il Halebde Venedik balyosu senin içün Venedik beyleri ile olan sulh ve salaha ri'ayet ve ahd-ü' amanısı yanet ve kendüsün ve bezirganların daima himayetiyleyüb ellerinde olan ahdname-i hümayunuma muhalif bir ferdi rencide ve remide itdürmemeğle her vechle senden rıza ve şükran üzere olub asude-hal oldukların mektubile 'ilam iyledüğün bildürüb imdi senden dahi mamul olan bunun gibi esar cümle itdügü zuhura getürmüştün berhudar olasın minba'ad dahi sulh ve salaha ri'ayet iylemek ba'bında ferman-ı al-i şan'ım sadır oluşdur buyurdum ki hükm-ü şerif vacibü'l-neba'im vusul buldukda ferman-ı celil-ü' l-kadrim muktezasınca Venedik beyleriyle mabeynde olan kavaid-i sulh ve salaha tayid ve bünyan-ı hulus ve muvalatı teşhid idüb minba'ad dahi ol canibde olan balyosu ve tercümanları ve sair bezirganlar ısıyanet ve himayet iyleyüb daima ellerinde olan ahdname-i hümayunumun mezmun 'al-i şanıyla 'amel idüb şer'-i şerife muhalif ve ahdname-i hümayunuma mugayir bir ferdi rencide ve remide itdürmeyüb eyyam-ı adalet encüman-ı asude-i hal ve fırk-ü'l-bal olub bir vechle sulh ve salaha muhalif iş olmak ihtimali olmaya şöyle bilesüz ve ba'ad-ü'l-nazar bu hükm-ü hümayunumu ellerinde ibka idüb 'alemet-i şerife 'itimad kılasuz tahriren fi evail-i şehr-i ramazan-ü'l-mübarek sene 1021. Be-makam-ı Konstantiniyye al-mahrusa