Bosna beylerbeyisine ma'lum ola ki aba-i kiram ve ecdad-ü'l-'izam inarallahü teala berahinim zamanından bu ana gelince değin Venedik beyleri ile olan sulh ve salaha ve ahd-ü aman tarafından kemakahri 'ayet olunurken Bosna serhaddinde olan Lika sancağı beyi Halil kendü halinde olmayub da 'ima ithilale ba'is olacak vazi' ve hareketden hali olmaduğundan gayri hala sulh ve selaha muhalif Venedik beylerine ta'bi Zadra nam hisarın karibinde Guruş ve Boğluca nam karyeleri ve sabıkan Bihke beyi olan Mustafa ittifakıyla basdurub nice re'ayaların esir ve bin mikdarı sığır ve dahi nice davarların sürdürüb fesad ve şeca'at itdürdüğü semi'-i hümayun ilga olunmağın mezbur Mustafa her kanda ise ele getürülüb yarar adamlar koşulub ma'cilen asitane-isa 'adetime gönderüb ve alınan adamları ve davarları her kimin elinde ise alunub Venediklülere virilüb ve zai' olan davarları zai'idenlere tazmin itdürülmek ba'bında sana hükm-ü şerifim irsal olunmuşdur imdi ol emrim ala mekan mukarrerdür buyurdum ki ferman-ı sabıkım mucebince bu babda bi'z-zat mukayyed olub mezbur Mustafayı hüsn-ü tedbir ve tedarikle ele getürüb yarar adamlara koşub südde-i sa'adetime gönderüb ve zikr olunan karyelerinde ne mikdar adamları ve davarları alınmış ise ve her kimde bulunursa gerü alunub zayi' idenlere tazmin itdürülüb cümlesin Venediklülere redd ve teslim iyleyüb ve mezkur Halil Beyin bu makule fesada ba'is olduğu ecilden onu dahi tedarikle ele getürülüb muhkem habsidüb ba'dehu dergah-ı mu'allamda 'arz iylesün ve ol serhadlerde olanlara muhkem tenbih ve takid iyleyesün minba'ad sulh ve salaha ve ahdname-i hümayunuma muhalif bir def'a dahi Venediklünün vilayetlerine ve re'ata ve emval ve esbablarına dahl ve ta'arruz iylemekden hezar idüb sulh ve salah-ı mura'i ve muhterem tutasın şöyle ki mezburları ele getürmekde ve fesadlarından eşkiyanın haklarında gelmekden nev'an ihmal idüb teksir iylemeyesün asla cevabın memnu' olmayub mes'ul ve me'aib olmak mukarrerdür bu babda ziyade ikdam ve ihtimam idüb Mustafayı ma'celen ele getürülüb südde-i sa'adetime gönderüb Venediklünün alınan adamların ve davarların virmekde bezl-i mekrur ve sa'i mufur iyleyesün mezbur bile koşub gönderdüğün adamlarına muhkem tenbih iyleyesün ki yolda bir tarıkla gıybet itdürmekden hezar ideler şöyle bilesün 'alamet-i şerife 'itimad kılasun tahriren fi evasıt- ı Muharremü'l-haram sene 1022. Be-makam-ı Edirne al-mahrusa