Bosna beylerbeyisine ma'lum olaki Kırka (Lika) sancağı beyi olan Halil kendü halinde olmayub Venedik beyler ile olan sulh ve salaha ve 'ahdname-i hümayunuma muhalif vazi' idüb niçe kimesneleri tahrik itmeğle (Venedik) sınurları dahilinde olan iki pare karyeleri urulub garet itdürdüğü ecilden mezburu südde-i sa'adetime gönderüsüz deyü bundan akdem sana emr-i şerifim gönderilmişdi imdi mezburu ele getürüb sancağının zabtına ve hıfz ve herasetine yarar adamlar koyub mezburu adamlarında bir vech-i isti'cal südde-i sa'adetime irsal iylemen ba'bında ferman-ı şerifim sadır olmuşdur buyurdum ki vusul buldukda ferman-ı al-i şan'ım muktezasınca bu hususda sen bi'z-zat takid idüb mezburu ba-i tark kah ele getürüb ve sancağının zabtına yarar adamlar koyub dahi mezburu mu'temed-i aliyye ve mukdim yarar adamlar markumat kapucular ile ber vech-i isti'cal asitane-i sa'adetime irsal idüb ihmal ve mesahi ve teallüd ve bahaneden ihtiraz idesüz şöyle ki mezburu ele getürmekde mesahi idüb veya bir tarıkle 'adr ve bahaneye olub gıybet itdürmeğle ele getürmeyesün aska cevabın mesmu' olmayub subun alınmağla konulmayub 'itab 'ikaya müstehak olursun sonra bilmedün ve işitmedim demeyüb ona göre mukayyed olub ele getürüb ma'cilen dergah-ı mu'allama gönderesüz ve bile koşub gönderdüğün adamları muhkem tenbih idesün yolda ve izde ve menazil ve mezahilde mezburu evkat gözedüb gaflet ile gıybet itdürmekden hezar ideler şöyle bilesün 'alamet-i şerife 'itimad kılasun tahriren fi evasıt-ı Muharremü'l-haram sene 1022. Be-makam-ı Edirne al-mahrusa