Bosna beylerbeyisine ma'lum ola ki ecdad-ü'l-'izam inarallah-ü teala berahinim zamanından bu ana gelince değin Venedik beyleri ile olan sulh ve salaha ve ahd-ü 'aman tarafından kemakah ri'ayet olunurken hala Bosna serhaddinde olan Lika sancağı beyi olan Halil kendü halinde olmayub da'ima ithilale ba'is olacak vazi' ve hareketden hali olmaduğundan gayri hala Venedik beylerine ta'bi Guruş ve Boğluca nam karyeler eşkiya ittifakıyle basdurub nice re'ayaların esir ve bin mikdarı sığır ve dahi nice davarların sürdürüb fesad ve şeca'at itdürdüğü semi'-i hümayun ilga olunmağın mezbur Halil ele getürülüb yarar adamlar koşulub südde-i sa'adetime gönderüb ve alınan adamları ve davarları her kimin elinde ise alunub Venediklülere virilmek ba'bında sana ferman-ı şerifim sadır olmağın buyurdum ki hükm-ü şerifim dergah-ı mu'allam kapucularından kıdvet-ü'l-emasil ve'l-akran Ali Vechizide kadrihu vusul buldukda bu babda bi'z-zat mukayyed olub müşarileyh Halili hüsn-ü tedbir ve tedarikle ele getürüb dahi yarar adamlara koşub emr-i şerifim muktrezasınca ma'cilen südde-i sa'adetime gönderüb ve zikr olunan Venedik karyelerinden ne mikdar adamları ve davarları alınmış ise ve her kimin elinde bulunursa gerü alunub zayi' idenlere tazmin itdürülüb cümlesin Venediklülere redd ve teslim iyleyüb ve ol serhadlerde olanlara muhkem tenbih ve takid iyleyesün min ba'ad sulh ve salaha ve ahdname-i hümayunuma muhalif Venediklünün vilayetlerine ve re'ata ve emval ve esbablarına dahl ve ta'arruz iylemekden hezar idüb sulh ve salah-ı mura'i ve muhterem tutasın şöyle ki mezburları ele getürmekde ve fesadlarından eşkiyanın haklarında gelmekden nev'an ihmal idüb tekasir iyleyesün asla cevabın mesmu' olmayub mes'ul ve me'aib olmak mukarrerdür ona göre mukayyed olub bu babda ziyade ikdam ve ihtimam idüb mezburu ele getürüb ma'celen südde-i sa'adetime gönderüb (crossed out-hezar idüb sulh ve salaha) ve alınan Venedik adamların ve davarların gerü Venediklüye virmekde bezl-i mekrur ve sa'i mufur iyleyesün mezbur koşub bile gönderdüğün adamlara muhkem tenbih ve takid idesün ki yolda mezburu evkat gözedüb bir vechle gıybet itdürmekden hezar ideler şöyle bilesün 'alamet-i şerife 'itimad kılasun tahriren fi evail-i Muharremü'l-haram sene 1022. Be-makam-ı Edirne al-mahrusa