Bosna beylerbeyisine ve sabıkan Bosna beylerbeyisi olub ber vech-i arpalık Kilis sancağına münkaid olan İbrahim Paşaya ve Lika beyine ma'lum ola ki kadim ü' l-eyyamdan alimize olan Venedik beyleri asitane-i sa'adetimle kemal-i mertebe-i hulus ve sadakat üzere dostlukların sabit-kadem ve rasih olub kevaid-i sulh ve salaha kema yenbeği ri'ayet idüb onlar tarafından ahdname-i hümayunuma mugayir şimdiye değin bir nesne zarar olmayub serhad mansurede dahi Venedike tabi olan hisarlarına ve sınurları dahlinde olan yerlerine ve re'aya ve beraya ve emval ve erzaklarına ve vechen min al-vucuh 'asakir-i mansure tarafından bir vechle dahil ve ta'arruz olunmayub kal'a zabitleri ve hakimleri ile hüsn-ü zendegani üzere olalar deyü defa'atle ahkam-ı şerife gönderülüb tenbih olunmuşken Venedike ta'bi hisarlarına ve yerlerine ba'zı kimesneler varub fesad iyleyüb ve Eflak martolosları dahi Novgrad nam kal'aları altına varub adamlar ve davarlar sürüb ve emval ve esbabların garet idüb fesad iyledükleri ecilden eger serhadlüden ve eger martoloslardan fesad idenleri ele getürüb sürdükleri her ne ise mezburlar ellerinde ve ahirde her kimde ise alunub Venedik kal'asının zabitlerine bi-kusur gönderülüb ve bu fesadı idenlerün ahdname-i hümayunum muktezasınca haklarından geline deyü evamir-i şerife gönderilmişdür imdi ol emrim ala mekan mukarrer olduğ undan gayri min ba'ad dahi her birünüz serhadları ve 'askeri sagt ve zabt iyleyüb Venedik beylerine ta'bi olan hisarların ve yerlerin hakimleri ile hüsn- ü zendegi üzere olmanuz babında ferman-ı alişanım sadır olmuş dur buyurdum ki dergah-ı mu'allam kapucularından Ali vardukda bu bu hususda her birünüz bi'z-zat mukayyed olub Venedik beylerinin vech-i meşruh üzere vilayetlerinden serhadlunun ve eflak martoloslarının garet iyledüklerü adamları ve davarları ve esbabları her kimin elinde ise buldurub ferman-ı saikim mucebince serhadlarda olan zabitlerine bi-kusur gönderüb sulh ve salaha ve ahdname-i hümayunuma muhalif vazi' idüb ba'is fitne ve fesad olan eşkiyanın ahdname mucebince haklarından gelüb bir mertebe guş mal verile ki bir defa' dahibu makule fesada bir kimesne cesaret itmek ihtimali olmayub ve daima sizden serhadler ahvaliyle kemal mertebe takayyüd idüb serhadlerde olan zabitlere mektublar ve adamlar gönderüb yoklaturub ve muhkem tenbh ve takid idesüz ki kendü hallerinde olub rıza-i hümyunum ve ahdname ve sulh ve selaha muhalif Venedik beylerinin sınurları dahilinde olan yerlerine ve davar ve adamlarına tecavüz ve te'addi iylemeyüb onun gibi memnu' olmayub yine fesad iyleyüb ba'is fitne olanların ahdname mucebince haklarından gelüb serhadlerinde olan Venedik hakimleri ve zabitleriyle hüsn-ü zendegi üzere olub emrime muhalif iş olmakdan ziyade ihtiyat iyleyesüz asitane-i sa'adetimde olan Venedik balyosu dahi Venedik beylerine mektub ve adam gönderüb onlar dahi serhadlerinde olan hakimlerne kendü hallerinde olub bu canib ile zendegani üzere olalar deyü fitne olmamas ıçün ilam iylemişlerdür onlar tarafından ahdname-i hümayunuma ve sulh ve selaha muhalif iş olmak ihtimali yokdur şöyle ki sizün tarafınızdan ihmal ve imhal olunmağla serhadlüler yine fesada mübaşeret idü b Venediklüye teaddi iyledükleri Venedik beyleri veyahud balyosu tarafından 'ilam oluna icrad-i 'azamı mervah tabiyeleri çün sonra sizden bilinüb bir vechle cevabınuz mesmu' olunmayub mes'ul olmanuz mukarrerdür ona göre mukayyed olub serhadlüler emr-i şerifim ne günde varub ne makule eşkiyanın haklarından gelünüb ve bu vechle tenbih ve takid olunduğun alaü't-tafsil yazub mecalen mezbur kapucu ile asitane-i sa'adetime 'arz ve 'ilam idesüz 'ark ve tahirden ve emrime muhalif vazi' sururundan ziyade hezar iyleyesüz şöyle bilesüz 'alamet-i şerife 'itimad kılasuz tahriren fi evasıt- ı rebi ü'l-ahir sene 1021.Be-makam-ı Konstantiniyye al-mahrusa