İstanbul kāimmakām'ına Hüküm ki: tevkī'-i refî'-i hümâyûn vâsıl olıcak ma'lûm ola ki kıdvet-i ümerâi'l-milleti'l-mesîhiyye sitâne-i sa'âdetimde mukīm Venedik elçisi Alvize Molin Kavalir, hutimet avâkibuhû bi'l-hayr dergâh-ı mu'allâma arzuhâl gönderub Venedik elçilerinin kefâf-ı nefslerinden her sene İstanbul karib olan iskele ve yalılardan akçeleriyle on bin müdre hamır alacakları ile mu'tâd-ı kadîm üzere İstanbula karib iskelelerden on bin müdre hamırı ke'l-evvel almak murâd eylediklerinde iskele ve yalılardan akçeleriyle müşârun-ileyhin ademlerine ve vekillerine taraf-ı ahardan müdahale olunmak bundan emr-i şerifim verilmesi ricâ eylediği ecilden divan-ı hümâyûn tarafından hıfz olunan ahkam kayıdlarına ve hazâyine-i âmiremde mahfûz olan mukāta'a defterlerine nazar olundukda Venedik Cumhurı tarafından sitâne-i sa'âdetde mukīm olan Venedik elçilerine her sene kendu nefsleri akceleriyle on bin müdre hamrı alıgeldiklerı mâ'dâ mukāta'ası defterinden mestur olduğundan mâ'dâ divan-ı hümâyûnum tarafından hıfz olunan ahkamdan dahi mukayyed bulunmağın imdi mu'tâd-ı kadîm olıgelirden üzere olunması bâbında fermân-ı âlîşânım sâdır olmuşdur buyurdum ki -

vusûl buldukda bu bâbde sâdır olunan fermân-ı celîlü'l-kadîm mûcebince amel idub vech-i meşrûh üzere Venedik cumhurı tarafından sitâne-i sa'âdetde mukīm olan Venedik elçilerine İstanbul karib olan iskelelerden her sene mu'tâd-ı kadîm üzere akceleriyle alıgeldikleri on bin müdre hamrı almak murâd eylediklerinden iskele ve yalılardan elçinin müşârun-ileyhin ademlerinin ve vekillerine taraf-ı ahardan kimesneye müdahele ademlerine rencide ve remide itdirmeyub emr-i şerîfimin mazmûn-ı münîf-i ile âmil olasın mukayyed olasın ki aldıkları hamrı bu bahane ile füruht olunmayup ziyânı ihtiraz eyleyesin şöyle bilesin ve ba'de'n-nazar bu hüküm-ü humâyunum elçi müşârun-ileyhin elinde [ibkā] idüb alâmet-i şerîfe i'timâd kılasın.

Tahrîren fi evâil şehr-i Cemâziyelâhir li-sene ihdâ ve semânîn ve elf

Be makam-ı Edirne