Partial transcription?: Vene in Colegio l'orator e schiavo dil Signor turco, vestito con una casaca d'oro con fessa in cao, in la qual havea do cortellini come è el costume di schiavi di poca autorità, e lì havia la letera dil Signor turco... Et intrato in Colegio, fato reverentia al Doxe, qual dimandò come stava la excellentia dil Signor, disse ben et mandava a salutarlo. Et interprete Hironimo Zivran, è a la Canzelaria, et presentò la letera, dicendo si lezese qeullo scriveva el Signor, perchè altro non haveva a dir. Fo dito si lezeria, e cussì si partì. La qual letera mandono a translatar in latin, era in greco; la copia di la qual sarà scrita qui avanti.